Limmel Maastricht

Ein vaan de hoegtepunte vaan ‘t jaor is veur väöle vaan Lummel en Nazareth en ouch veur us, de touwkinning vaan de Hoegste Oondersjeiing, in dit geval vaan ‘t jaor 2022.De Hoegste Oondersjeijing weurt jaorleks touwgekind aon ‘nne persoen, ‘nne gróp, vereineging of stiechting die zich zoonder de tesse te völle of mèt de boors veuroet te loupe op vrijwèllege basis inzet veur de gemeinsjap Lummel en/of Nazareth….. Veur eus motivatie en um Chris beter te liere kinne, klik hei op:                               Hoegste_Oondersjeiing_2022

En beloer uuch hei nog get foto’s:

Deze slideshow vereist JavaScript.

‘Thoes Verseerwedstrijd’

Leef vastelaovends vrun, inwoeners en oondernummers vaan Lummel & Nazareth.

Obbenuits kinne veer dit jaor jaomer genóg geine Prins oetrope en ouch gein fieskes same viere in de zaol.
Veer kieke noe nao wat d’r wél kin en riechte us veural op sjariteit. Veer zalle zeker vaan us laote hure.
Um ouch weer ’n bitteke sfeer in de straote en de wieke te bringe wèlle veer uuch vraoge um mèt te doen aon de ‘Thoes Verseerwedstrijd’ dee veer same höbbe oetgesjreve. 

Haang de carnavalsvlag oet en verseer eur roete, de kiekoet, eure hoof en eur straote. 

Op dees meneer drage veer same toch de carnavalssfeer oet.
Op 20 en 21 fibberwarie zal de jury door alle straote trèkke en beoordeile wee ’t sjoenste geseerd heet. In die zelfde week kriege de winnaars vaan us beriech en zalle veer ouch de gewonne pries oetreike.
Veer hope tot Geer mèt zalt doen en veer de wieke Lummel & Nazareth en hopelek gans Mestreech, roed, geel en greun zalle laote kleure.

Alvast bedaank ️
Naomes de besture en leie vaan
CV de Braniemeekers & CV de Kakpepers

Nao ’n jaor zoonder neumensweerdege carnavalsactiviteite hadde veer de stèlle hoop tot veer in 2022 wel weer aon de geng kóste goon en dao hadde veer alles veur geregeld en klaor veur stoon. Nao de peersconferentie vaan aofgeloupe vriedeg 14 jannewarie, en de noe geldende corona maotregele heet ’t bestuur jaomer genóg ’t besluut mote neume tot veer geine Prins kinne oetrope op zoondag 30 jannewarie en tot veer ‘ne Prins gein wierdeg sezoen kinne beeje. ’t Zal dus helaas veur ’t twiede jaor achterein zien, zoonder Prins.
Lees de rest van deze post »

Leef Luij, oondaanks de coronatied, höbbe de Braniemeekkers ech neet stèl gezete. Zie hóbbe uuch hiel get te melle!
Oonder mie euver Sjariteit, Haw Pin, De Thoesverseerwedstrijd mèt oetslaag, De Hoegste Oondersjeijing, Onderstaond veendel, dat geer kint koupe etc.
Gaot mer ‘ns gaw loere nao alle beriechte op hunne website: https://braniemeekers.nl/

In samewèrking mèt de Samewèrkende Mestreechse Vastelaovendsvereneginge (SMV) en de Keemeleers höbbe de Tempeleers e leuk ‘Mestreechs Vastelaovendspakkèt’ samegestèld. In ’t pakkèt zit get um te ete, te verzamele, te versere en te doen … laot d’ch verrasse!

’t Pakkèt kos € 22,- en kin gekoch weure op www.tempeleers.nl ouch kint geer rechstreeks bestèlle via e-mail op info@braniemeekers.nl

Door d’n aonkoup vaan e pakkèt steunste ouch us es lokale vereineging (CV de Braniemeekers) en maakste ’t same mèt ’t Elisabeth Strouven Fonds meugelek tot v’r 222 pakkètte gratis in Mestreech oetdeile aon gezinne die ’t financieel minder höbbe.

Bestèlle kin tot 9 fibberwarie 2021, meh op = op … dus bis gaw!
’t Pakkèt weurt op de zaoterdag veur de Vastelaovend (13 fibberwarie 2021) thoesbezörg.
De kins ’t pakkèt bestèlle door ‘nen e-mail te sjikke mèt diene naom, volledege adresgegevens en tèllefoonnómmer te sjikke nao: info@braniemeekers.nl of info@tempeleers.nl
Vraoge?
Sjik daan ‘nen e-mail nao info@tempeleers.nl ter attentie vaan Tempeleer Bermon Pooters of nao info@braniemeekers.nl

Zoondag 17 jannewarie um 20:11 oor, had ’t benkelek momint mote zien boe op veer euze nuie Hoeglöstegheid 2021 hadde wèlle oetrope. Veer kinne väöl wèlle meh, helaas wete veer oondertösse allemaol dat ’t corona-virus d’r veur gezörg heet tot neet alles kin. Zoe wie ’t Mestreechs gezègkde zeet: ‘Alles is meugelek. meh neet ‘ne naakse in z’n brook sjiete’. Mèt aander wäörd; wie gere tot veer ouch zouwe wèlle, ’t geit gewoen neet.
Lees de rest van deze post »

Adventurecook, CV de Braniemeekers en Kinderboerderij Limmel bundelen krachten voor een Smaakvolle verrassing, dankzij waardecheque Rabobank.
Nu het tijdens corona voor veel mensen een periode is waarin sociale contacten wegvallen, mensen hun baan verliezen of een onzekere tijd doormaken, is aandacht voor de medemens belangrijker dan ooit. Persoonlijke aandacht, laten weten dat je aan de ander denkt en hoe kun je er toch voor de ander zijn met alle (afstands)maatregelen, zijn thema’s die steeds aandacht krijgen. Het maatschappelijk hart van Adventurecook klopte altijd al hard en zij waren de afgelopen jaren regelmatig verbonden aan acties voor een goed doel. Klik om verder te lezen op:Maaltijden actie 22 jan 2021

Leef vastelaovends vrun, inwoeners en oonderneumers vaan Lummel & Nazareth
Dit jaor kinne veer jaomer genóg geine Prins oetrope en ouch gein fieskes same viere in de zaol. ’t Geit ‘ne hiele rare en stèlle vastelaovend weure.
Um toch ’n bitteke sfeer in de straote en de wieke te bringe wèlle veer uuch vraoge um mèt te doen aon de ‘Thoes Verseerwedstrijd’ dee veer same höbbe oetgesjreve.
Haang de carnavalsvlag oet en verseer eur roete, de kiekoet, eure hoof en/of straote.
Op dees meneer drage veer same toch de carnavalssfeer oet.
Lees de rest van deze post »