Zaoterdag 06 fibberwarie: Braniemeekerpóp Hijse en daonao Braniebal in ‘t Tönneke.
themuut | 4 februari 2016
Zaoterdag 06 fibberwarie 2016 zal CV de Braniemeekers de Vastelaovend in Lummel en Nazareth opene mèt ’t hijse vaan de Braniemeekerpóp en aonsjletend ’t Braniebal. De Braniemekerpóp zal alle dolle drei daog laank, ziech hawwe op ’t Vastelaovend vierend volk vaan Lummel en Nazareth. Prins Paul 4e zal op ziene Prinsewagel vaanaof zie hoes vertrèkke nao ’t pleinsje veur ’t Keplaon Lochtmanhoes. Dao zalle versjèllende vereiniginge oet eus wieke acte de présence geve. Alle Prinse en Prinsesse zalle um 18:11 oor same de Braniemeekerpóp hijse.
Es dat achter de rök is, zal ’t Braniebal los barste in kaffee ’t Tönneke en zalle veer d’r same e sjiek fees vaan make.
Deel dit bericht