Limmel Maastricht » Verenigingsnieuws

Jubileum CD Fanfare Juliana te koop.

themuut — Tue, 27 Jul 2010 19:08:09 +0000

Fanfare Juliana heeft ter ere van het 100- jarig bestaan, o.l.v. Ramon Kusters een cd opgenomen.
Ramon Kusters is sinds een jaar dirigent en is samen met het fanfare orkest deze uitdaging aangegaan. Ook de drumband o.l.v. hun instructeur Pie Feyt, inmiddels al meer als 50 jaar lid van Fanfare Juliana, heeft zijn bijdrage geleverd aan deze cd.

De cd bevat o.a. de volgende werken:

Royal Jubilee van Henk van Lijnschoten, Dakota en La Storia van Jacob de Haan, De Zwaanriddersage van Jan Bosveld, Jupiter Hymm arrangement van Johan de Meij, Memory van Rob Ares, Arsenal van Jan van der Roost en Casino van Antoon Gruyters, uitgevoerd door de drumband.

Deze cd is vanaf nu tevens te koop bij de volgende winkeliers: Frans Ritz, Bij Karin en Haddocks, gelegen op de Populierenweg. Ook kunt u de cd bestellen via het volgende mailadres: 100jaarfanfarejuliana@gmail.com

Fanfare Juliana wenst u veel luisterplezier !

Paoseier aksie Braniemeekers; Te gaw door veurraod eier!

themuut — Tue, 30 Mar 2010 17:16:29 +0000

Aofgeloupe zaoterdag 27 miert zien de Braniemeekers door de straote vaan Lummel getrokke um uuch paoseier aon te beeje.
‘T waors e euverwèldigend sukses en dao zien veer uuch allemaol super daankbaar veur.

Alle eier waore in ‘nne mum vaan tied verkoch en veer höbbe us nog eine kier kinne beveurraoje. Mèr ouch dat waor neet genog boedoor veer neet gaans Lummel höbbe kinne langs goon. Veer kraoge gein eier mie boedoor veer uuch mesjien höbbe laote wachte.
Moch geer op us höbbe zitte wachte, daan beeje veer us oprechte veroontsjuldiging aon!

Veer goon dit volgend jaor aanders organiseere zoetot dit neet mie kint veurkoume.

Naomes alle Braniemeekers feijn Paosdaog tow gewins.

Höb geer nog Paoseier nudig??

themuut — Tue, 23 Mar 2010 18:26:02 +0000

Bèste luij,

De Braniemeekers koume weer beij uuch langs de deure mèt lekkere veerse eier.

Veer koume op zaoterdag 27 miert tösse 15.00 en 18.00 oor beij uuch langs de deur.

De preize zien;

€ 0,23 per stök

€ 6,00 veur 30 stöks

Geer kint ouch al eier bestèlle beij Esther Dessart- Walthie, 0647679303

Naomes alle Braniemeekers alvas feijn Paosdaog en gere tot 27 miert!

Carnevalsoptoch(ske) Lummel 2010 is te bekieke.

themuut — Fri, 19 Feb 2010 15:30:37 +0000

Hei-oonder kint geer ‘t fillemke vaan d’n Optoch vaan maondag 15 fibberwarie bekieke in de snie:

Vind meer video’s zoals deze op Maastricht – maestricht.net

Braniemeekers in Hart van Nederland.

themuut — Wed, 17 Feb 2010 20:06:01 +0000

De Braniemeekers waore gisteraovend te zien bij Hart van Nederland op SBS 6. Geer kint dat oonderwerp trök zien door te klikke op dizze link: Fillemke H v NL

Resepsie en “Kaanjelbal” Kaanjeleers zaoterdag 13 fibberwarie.

themuut — Fri, 12 Feb 2010 18:41:23 +0000

Op zaoterdag 13 fibberwarie höbbe veer resepsie vaan 18.45 tot 20.00 oor in ’t Kaplaon Lochtmanhoes in Lummel-Mestreech ter gelegenheid vaan us 5 x 11 jaorig zjubeleij.

Geer höb daan ouch de meugelikheid um uzze Zjubeleij Hoeglöstigheid Prins BAS d’n 1e te filesitere en ouch us twie zjubilarisse die alle twie al 3 x 11 jaor lid zien vaan us vereiniging:

Pie Feijt
Ruud Brummer

Vanaof 20.00 oor begint ‘t gewèldige gezèllige Kaanjelbal mèt DJ Raymond Hogenboom en optreijes vaan :

*JEF VERHEIJDEN
*DE JUBRANCO’S
*FABRIZIO

Veer stèlle ‘t zier op pries es geer kint kómme.

Hoegste Oondersjeijing 2010.

themuut — Fri, 12 Feb 2010 14:23:15 +0000

De Braniemeekers höbbe 11 fibberwarie bekind gemaak wee de Hoegste Oondersjeijing 2010 moch oontvaange. Zie is gegaange nao ‘n vrijwèlligster die häör steinsje aon de gemeinsjap bijdreug: Mevr. Elly Oudmans. Zie kraog de Oondersjeijing oetgereik door Prins Marcel I. De motivatie kint geer hei-oonder leze..

‘T waor urreges begin december aofgeloupe jaor tot de kemissie hoegste oondersjeiing beijjeinkaom um te goon kieke wee in ’t jaor 2010 de ier kraog en ‘ns extra in ’t zunneke gezat moos weure.
De kemissie bestaonde oet de aajd prins, ‘nne aofgevaardigde vaan het vriendenkoer en 2 braniemeekers ginge daor ‘ns good veur zitte. Versjeije naome kaome op taofel en die woorte ein veur ein besproke.

Nao ’n eurke wawwele waore veer d’r al gaw oet en hadde us käös gemaak. “T zouw ‘nne persoen weure dee noets op de veurgroond treijt, meh wel zoe belangriek is binne de gemeinsjap, ‘nne persoen boe me noets tevergeefs aonklop, ‘nne persoen dee altied veur alles en eederein klaorsteit.

Dit jaor geit dees bliek vaan waardering nao ’n in 1947 in Lummel geboore vrow. Ze woent daan wel al ‘nne hiele tied neet mie heijj mer de keums ‘r eederen daag in Lummel tege.

Sinds e jaor of 9 is zie veur versjeijje vereiniginge, zowie de Famfaar, Toneelgrop Lummel en de Braniemeekers ein vaan die oonmisbare krachte, die noets te beroerd is um glaazer te speule of midde in de nach, es veer blij zien um us op ’n oer te legke, gewoapend met de keerbeurstel, dweil en ummer de zaol te potse.

Daoneve is ze 3 jaor vrijwilleger gewees bij de zonneblom, 6 jaor vrijwilleger op klevarie, met naome veur luijkes oet Lummel en Nazareth.

3 Jaor laangk heet zie same met aandere keersmiddige veur de awwere inwoeners vaan Lummel en Nazareth geranzjeerd.

Veur heur eige vereiniging struinde ze stad en land aof veur keupkes die op de eige aovende of in ’t kräömpke tijdens keuninginnedaag verkoch woorte. Tevens verkoch ze daan eige gemaakde waffele en koffie. De ganse opbrings heivaan ging in de kas vaan dees vereiniging boedoor de contributie neet verhuug hoofde te weure en de koffie dee versjöd woort betaold kos weure oet die kas.

Dees vereiniging is de, jaomer genog ter ziele gegaange, vroweboond, boevaan ze daan ouch 45 jaor lid is gewees en de de leste 19 jaor in ’t bestuur heet gezete.Kortum ’t betref ’n vrouw die ’t hart op de gooj plaots heet en boe ’n eeder noets tevergeefs ’n beroop op deid. De kemissie die ziech bezig hèlt met die sjoen tradisie vaan get appaarts veur ‘ne apaarte mins heet daan ouch beslote in ’t jaor 2000 + 11 – 1 Mevrow Elly Oudmans – Hermans veur te drage en op te numme in dees bezunder oondersjeijing.

Hei get foto’s vaan de oetreiking. Klik op e fotoke veur ‘n vergroete weergave.

Donderdag 11 fibberwarie Mestreechter Aovend.

themuut — Wed, 10 Feb 2010 16:03:03 +0000

Donderdag 11 fibberwarie oragniseere C.V. De Braniemeekers hunne traditionele Mestreechter Aovend mèt tal vaan topartieste. De antreekaarte aon €11 zien in de veurverkoup beij :

Haddocks Populierweeg in Lummel en
Hannie’s Winkelke Kest Schaloenstraot in Nazareth.

’T Program vaan deen aovend zuut es volleg oet:

’T vollek vaan Mestreech > Zaank
Jaerke > Buutkampioen 2009 ( Pierre Helden )
Jef Verheijde > Zaank
‘T Kunstsjilderke > Buut ( Jo Adriaans )
Fabrizio > Zaank
Neet Kepot Te Kriege > Zaank
Erwin > Zaank

De Hofkapel vaan dizzen aovend is: Sjöt in, ‘T Kump

Gans bijgewèrk: Prins Yilmaz en Prinses Shannen regere euver ‘t Braniemeekerkesriek.

themuut — Mon, 08 Feb 2010 15:26:40 +0000

Zoondag 31 jannewarie woort in ‘t Kapl. Lochtmanhoes mèt assistentie vaan Prins Marcel I bekind gemaak wee dit jaor euver ‘t Braniemeekerkesriek goon regere: Prins Yilmaz (Everts) en Prinses Shannen (v/d Laan) kaome vaanoonder de maskes oet.

Zoondag 31 jannewarie is oonder groet enthousiasme ’t nuij jäög prinsepaar vaan Lummel en Nazareth door Marcel I vaan de Braniemeekers oontmaskerd. In ‘ne kleine cortege door Lummel zien de twie toen nog groete oonbekinde naor ’t weer prachtig verseerde Lochtmanhoes gebrach gewore. En perceis 11 menute nao twie kwaom es ierste oonder ’t maske oet Prins Yilmas Ie.

Heer hèt in ’t daogeliks leve Yilmaz Everts en woent op de Populierweeg 111 in Lummel en is gebore op 21 aprèl 2001. Heer is ´t zäönsje vaan Ristem Akgun en Anita Everts en heet twie breurkes Yavuz en Emir. Heer is al 3 jaor lid vaan de Braniemeekerkes. Heer zit in grôp 5 vaan de basissjaol ’T Spoor in Lummel en kin hiel goot rekene. Prins Yilmaz zien hobbies zien: Voetballe, heer is fanatiek supporter vaan PSV. Weijer deit heer gere vaan alles inein knutsele en prutse en es heer groet is wèlt heer daan ouch in e laboratorium goon wèrke.

Paar menute later kwaom Prinses Shannen ouch oonder ’t maske oet. Zie geit door ’t leve es Shannen van der Laan en is gebore op 23 miert 2001 en woent in de Nebostraot 33 in Lummel. Zie is ´t döchterke vaan Marco en Wendy van der Laan. En heet nog ´n breurke Dylan en ‘ne kenien mèt de naom Mask. Prinses Shannen zit op de opstap vaan de basissjaol. Zie heet nogal get dinger die ze gere deit: Boete speule, ze knutselt gere, loert gere Idols en popstars, zie zwump gere en zie is zier behöllepzaam.

Heijoonder kint geer get foto’s bekieke vaan ‘t keersveerse prinsepaar en hun gruutse awwers. Klik op de klein foto’s veur ‘n vergroete weergave. Gans oonderaon kint geer e fillemke bekieke.

Vind meer video’s zoals deze op Maastricht – maestricht.net

5- 6- 7 Fibberwari, wiekend vol Vastelaovend veur Joonk en Aajd!

themuut — Wed, 03 Feb 2010 14:51:10 +0000

Op vriedag 5 fibberwari beginne um 19.15 oor de Braniemeekers met ‘t ludieke carnavals kiene in hunne hoftempel ‘t Kap. Lochtmanhoes. Vaanaof zes oor zalle veer uuch weer vaan harte welkom heite en uuch weer laote geneete vaan unne gezellige aovend vol plezeer en gèt awkloete en neet te vergete weer magnefieke preize .

Dit jaor zien d’r gèt aonpassinge boemèt veer ’t aontrèkkelikker veur uuch wèlle make mèr zeker neet minder gezèllig. ‘T sprik veur ziech dat de preise ouch weer nao venant zien met e paar hiel ludieke debeij. In de pauze stoon d’r weer bruudjes veur uuch klaor en aon d’n doors is ouch gedach . Veer zalle de aovend starte um keteer nao zeve zoetot veer kleine pauzes kinne inlasse veur de roukers oonder us! Degène mèt ’t sjoenste pèkske zal door de Hoeglöstigheid veurzeen weure vaan e leuk presentsje en ’n kienkaart nao käös! Dus pak deen kans zow iech zègke en kom verkleijd naor ’T Lochtmanhoes veur ‘nne leuke en sjoene aovend! De preise vaan de kienkaarte zien; Eine serie € 5.50 – Twie series € 6.50 en Dreij Series € 7.50.

Zaoterdag 6 fibberwari vaanaof 18.00 oor kreig ederein de gelegeheid um de Hoeglöstigheid Prins Marcel I te fillesitere mèt zien benumming tot Prins euver ’t riek vaan de Braniemeekers. Dees resepsie weurt muzikaol opgeluustert door herremenieke In ein gedreijt.

Zoondag 7 fibberwari beginne veer um 9.00 oor mèt us jaorlikse Mestreechter Més in de kèrk vaan St. Jaan d’n Duiper in Lummel. Same mèt Pestoer Backus, Famfaar Zjuliana en ‘t kerrekkoer goon veer eve stèl stoon beij wat de vastelaovend nog miejer inhèlt. Nao dees mès zalle us zjubbelarisse Gerda Laurensse, Francine Boumans, Meriam Walthie en Theo Schefman allemaol 1×11 jaor en Hans Volders 3×11 jaor intern in ‘t zönneke weure gezat.

S’middag vaanaof haaf twie is d’n tied dao dat de jäög weer vastelaovend kint viere. Saame mèt de Braniemeekerkes, Prins Marcel I en zien Braniemeekers. Door DJ Ron Rossell weurt geer in de stumming gebrach.