Zoondag 5 fibberwarie 2012 zal ‘t nuie JäögPrinsepaar vaan CV De Braniemeekerkes weure oetgerope. Um 14.11 oor zalle in ‘t Keplaon Lochtmanhoes de Prins en zie Prinseske oonder hun maskers oet koume.  Dizze middag zal weure opgeluusterd door DJ Lange Ron. Verscheije vereiniginge zalle mèt hunne Jäögraod present zien.

Aonstaonde Vriedag 3 fibberwarie ( klik op ‘t pleetsje veur poster )

Mestreechter Aovend Nuie Stijl in ‘t Kapl.Lochtmanhoes mèt de echte Mestreechse topartieste. Fabrizio, Erwin, Duo-Xelle, Eric Gehlen, Saskia Theunisz, Boerum en DJ Marc.

Aonvaank is 20:11 oor. De zaol is al ope vanaof 19:30 oor. De entree kos mèr €5.00 !!!! per kaart. Kaarte zien te verkriege bij

Prins Frank 1e (Frank Erkamp) regeert in 2012 euver ‘t Kaanjelriek. Lees hei-oonder ‘t offisjeel Peersberiech:

Oonder groete belangstelling is op zoondag 29 jannewarie 2012

Prins Frank d’n 1e es 57^e hoeglöstigheid

vaan c.v. de Kaanjeleers vaan Famfaar Juliana oet Lummel oetgeroope.

Ziene börger naom is Frank Erkamp.   Heer is geboore op 6 mei 1963 in Meerssen aon de Gansbaan en noe daan ouch 4*11 plös 4 jaor aaijd,  Heer heet gewoend aon de Veldstraot in Hier, aon de Ankerkade beij de stuw in Lummel. Zien prinselik pelies steit noe aon de Pletzerstraot in Wolder. 
Heer woent dao same mèt Liza Westerlaken, die oet Wijdenes kump in de buurt vaan Hoorn in Noord Holland. Häör awwers hadde dao ‘nne kaffee. Dao  in ze is opgegreujd en  ze hadde dao warempel ouch ’n raod van ellef. Same höbbe ze veer kinder,  Jeroen, Robin, Jeroen en Maarten.

Binne eus Famfaar Juliana is heer al 17 jaor bestuurslid mèt es bezundere take de coördinatie vaan de reiskemissie.

Nao de lieger sjaol, de HAVO Jean D’arc en zien opleijing aon de MTS bouwkunde heet heer zien aonnummers diploma gehaold en is heer in ’t bedrief dat opgeriech is door ziene Pap goon wèrreke. Noe is heer eigeneer / directeur vaan Erkamp bouwservice. Daobeij is heer dealer van e plug&play bouwsysteem boe in eine daag ‘nne oetbouw of zèllevers e gans hoes geplaots weurd.

Zien groetste hobbies, es heer tied kin vrijmaake vaan zien wèrrek, zien de Famfaar, lekker nao de Sauna goon, motor reije, peerdreije, en vreuger, vèsse en sjeete op de sjeetbaon. Ouch is heer holistisch Reiki therapeut, zjus  wie eus tituleir prinses Liza die heer dao heet liere kinnen op dees opleijing, en in ’t wichelroede loupe is heer ouch zier bedreeve.

Heer heet ‘nne hekel aon onoprèchtigheid. Wat heer èch leuk vind is eigelik zien wèrrek.   ’t lekkerste ete vind heer alle soorte Muesli, dat kins ste häöm ’s mörgens,    ’s middags en ’s aoves veurzètte. ’T minst lekker um te éte  vind heer dinger die pittig en vet zien. Zien gooi eigesjappe volgens zien vriendin Liza: Ziene humor, heer kint good luustere, en is leef veur Liza. Heer is ech heure prins en behandeld heur daan ouch , af en tow,   es ’n prinsès.

’n gèt minder gooij eigesjap is tot heer soms gèt snel is mèt zien oordeil en de aofsprake oet ziene callepin en de rès vaan zien time management zien  neet altied um euver nao hoes te sjrieve.

Heer zal regeere  euver ’t Kaanjelriek vaan Famfaar Juliana onder de zwoer gekose titulair benumminge

Reiki-therapeutikös * Bouwtechnikös * Bestuurdikös

es zienne’n Hoeglöstigheid:

Prins Frank d’n 1^e

Hei-oonder kint geer ‘n fotoripportaasj bekieke:
(Klik op “Volledig scherm” in het aofspeulvinster veur ‘n groete weergaaf.)

Vind meer foto’s zoals deze op Mtricht.com

Leef vastelaovensvrun,
Gere wèlle veer uuch oetnudige bijj ’t oetrope vaan uzze 57e hoeglöstigheid.
Dit gebäört op zóndag 29 jannewarie in ’t Keplaon Lochtmanhoes in Lummel.

De nuije hoeglöstigheid zal um 19.30 oor bekind weure gemaak. 
Dit alles weurt begeleid door de muzikale klaanke vaan orkes The Spy.

Klik hei veur de volledige info: Prins Kaanjeleers

Om overlast en gevaarlijke situaties te voorkomen, richt de gemeente Maastricht dit jaar haar carnavalscampagne op de veel gebruikte carnavalskarren. De oproep aan de KARnavalsvierders is om geen karren mee te slepen op drukke plekken, karren die te groot zijn voor de massa en met risicovolle attributen erop, zoals gasbranders. Dit alles onder het thema: Maothawwe! Het thema wordt dit jaar voor het eerst ook gecommuniceerd via een ‘app’ die van 1 februari gedownload kan worden op een mobiele telefoon (iphone of android). Voor volledige info klik hier op: Campagne Maothawwe

( Klik op ziene foto veur ‘n vergroeting )

Maage veer uuch veurstelle aon de nuije Hoeglöstigheid vaan de Braniemeekers dee euver ’t riek vaan Lummel en Nazareth zal goon regere oonder de naom:

Prins Paul 3e

Chauffeuricus,Motorfanaticus,kampeericus

In de Börgelikkestand vaan Mestreech steit Heer ingesjreve es:
Petrus, Paulus, Hubertina Dessart

 

Wijer info euver ziene Hoeglöstigheid, klik hei op:   PRINS PAUL 3e EVE VEURSTÈLLE

Klik hij-oonder op ‘t pleetsje um zien proklamasie te leze:

Ouch de towkomstige Stadsprins van 2044 woort alvas veurgestèld:

Beloert uuch hei ‘n fotoreportaasj vaan ‘t oetrope en ‘t bezeuk van de keersveerse StadsPrins:

Vind meer foto’s zoals deze op Mtricht.com

Hei-oonder kint geer ouch nog e fillemke vaan ‘t bezeuk vaan Stadsprins Han 1e bewundere.

Op zoondag 22 jannewarie 2012 uur zal de nuie Prins vaan CV De Braniemeekers weure oetgerope. Zaate Herremenie Sjöt in ut Kump en CV de Kluivers zalle de Prins inhole mèt  ’nne  cortège door de straote vaan Lummel.

Um 20:11 oor zal in ‘t Keplaon  Lochtmanhoes in Lummel de groete oonbekinde oonder ‘t maske oet koume. D’n aovend zal weure opgeluusterd door orkes “The Mellodies”. De Tempeleers zalle dezen aovend voor hun 1^e officiële bezeuk mèt  hunne keersveerse Stadsprins nao Lummel koume.

Klik hei-oonder op: Lees de rest van deze post  um d’n teks te bekieke:

Couplèt:

Bij us in de gooj kamer is ‘t einen oonderein
Pekskes, pruke, alles ligk doorein
De dikke zjiem steit neve d’n tv
Confetti vinste zellefs op de plee
Op d’n dressoir steit in de stöb gesjreve:
Wat e gelök um hei te mage leve..!!!

Refrein:

Vendaog höb iech geinen tied
Um te pótse, um te koke, veur de striek
Want noe is ‘t weer zoe wied
Um te springe veur dee ketelemeziek
Vendaog höb iech miech belaof
- en dat nump miech geine aof -
tot es ‘t asselegoonsdag is
iech vaan dee Vastelaovend gaar niks höb gemis …

Couplèt:

‘t Huteke vaan ama kump ouch noe weer good vaan pas
En vaan ampa is dee slippejas
Die sjoen kalbas waor vreuger vaan tant Nie
Deen hoege zije vaan miene noonk Pie
Vaan keends aof aon is ‘t us mčtgegeve:
Wat e gelök um hei te mage leve.!!!