Dreesmenneke arriveert in Limmel.
themuut | 17 juni 2011
DREESMENNEKE
BRACH VREUGER GAAS, WATER EN LEECH IN GANS MESTREECH
STOONT BIJ NUTSBEDRIEVE AON D’N DREES,
MEH VOONT NAO LUMMEL DE WEEG.
( BOE ZIENE SOKKEL AL JAORE STOONT TE WACHTE ZOE AKELIG LEEG! )
Vendaog arriveerde ‘t Dreesmenneke in Lummel op ziene sokkel. Zoondagmörrige weurt heer door Wèthawwer Nuss offisjeel welkom geheite dao op zien iereploats veur ‘t Keplaon Lochtmanhoes.
Hei-oonder kint geer alvas bewundere wie heer in Lummel arriveerde.
( Mèt daank vaan de redaksie aon Paul “Haddocks”, dee de meiste foto’s heet gesjote en aon us ter besjikking gestèld )
De sokkel weurt in orde gemaak.
En ouch de plaat mèt ‘t opsjrif is gereid….
Dreesmenneke weurt rechop gezat en “geströp” in d’n takel gehaange….
En daan nao ziene sokkel getransporteerd……..
Um oeteindelik oonder ‘t wakend ouch vaan ‘nne gruutse Theo Dassen (mèt sigeerke) vaan de Buurtraod Lummel zien nuij plaots op de sokkel in te numme…..
En nao de finishing touch door Dhr C. Niesten……..
Arrivere de ierste kiekers al um ‘t Dreesmenneke in volle glorie tebewundere….
