Limmel Maastricht

Ivm de correcte locatie veur de priesoetreiking dees rectificatie: Ouch kommende vastelaovend trèk weer ‘nne optoch door Lummel en Nazareth. Geer kunt uuch al aonmelle. Kiek mer hei-oonder:

Optoch vaan Lummel nao Nazareth 2010 !

Nao al die gooij reacsies die veer ’t aofgeloupe jaor weer höbbe maage oontvaange mèt betrèkking tot d’n optoch, dinke veer op de gooije weeg te zien beland wat betröf de organisaasie. ’T Aontal grôppe bleijf greuije en daor doen veer ’t veur, ‘nne sjoene optoch door Lummel en Nazareth. De luij die d’n optoch al ieder höbbe gezeen wete dat ‘t ‘nne sjoene bonte störrem weurt compleet mèt alle Prinse en Prinsesse vaan Lummel en Nazareth. Boete de preise die te verdeene zien in d’n optoch veur de bès verkleijde grôp of wagel, is d’r ouch ‘nne pries veur wee de sjoenste verseerde väörroed en/of gevel heet vaan Lummel en Nazareth. ’N Zier geheim zjuri zal dit goon beoordeile en nao d’n optoch zal d’n oetslaag weure bekind gemaak in ‘t nui Buurtcentrum vaan Nazareth aon ‘t Miradorplein. Ouch weure daan de preise oetgereik vaan in d’n optoch.

Höbbe veer Uuch noe op ideeje gebrach mèr geer wèt neet wie geer ‘n oonderwèrrep moot aonpakke daan kint geer altied eve mèt us techniesje kemmissie kontak opnumme, ‘t kin loupend, op ‘nne fiets, ‘nne wagel iech kin ‘t zoe gek neet bedinke wat de meugelikhede zien. En iech weet zeker dat de nuij Hoeglöstighede ziech noe al zitte te verheuge op wat zie te zien kriege in hunne eige optoch vaan Lummel noar Nazareth.

Veer hope dat veer op uuche steun kinne rekene, wat zoonder uuch höbbe veer geine optoch.

Zien de intresse noe zoe hoeg opgeloupe tot geer dink um mèt te goon in uzze stoet, daan mèld uuch aon beij:

Roy Joosten : 06-42944132 of 043-8518511 nao 18:00 oor vaan De Braniemeekers

Of  ’t meel adres: royjoosten@live.nl

Tot Karnevalsmaondag 15 fibberwarie !!!!!!!!!

Um 13.30 oor beij de Populierenweeg