Nuije Hoeglöstigheid vaan Lummel en Nazareth 2010.
themuut | 27 september 2009
’T geit alweer lanksaam nao de 11e vaan 11e tow en daan weure de lede vaan de kanselereijraod alweer gèt onröstig. Zie beginne daan al um ziech heen te loere of zie gesjikte kandidate kinne vinde in Lummel en Nazareth die de Braniemeekers veur wèlle goon in de vastelaovend vaan 2010.
Geer kint us daomèt hèllep um good um uuch heen te loere en mèt te zeuke. Höb geer iemes op ’t oug of kint geer iemes dee dit hiel geer zow wèlle weure laot ’t us daan wete zoetot veer dao wèrrek vaan kinne make. Höb geer e ‘nne gesjikde kandidaat, sjik daan ‘nne breef of meel veur 20 oktober 2009 naor uzze Prizzedent:
John vaan Dijk
Meerssenerweeg 3a
6222 AE Mestreech
johe.weci@home.nl
