Nuij Jäögpaar en Pyama-bal in Lummel.
themuut | 28 januari 2009
Zoondag 8 fibberwari is ouch d’n tied aongebroke veur de jäög vaan Lummel en Nazareth.
Want daan goon de Braniemeekerkes hun 25e prinse-paar oetrope in de prachtig verseerde hoftempel ‘t Kap. Lochmanhoes. Same met diverse zustervereiniginge, De Zaaten Ingel en Vreug zaat weurt in ‘nne korte cortége ’t daan nog oonbekinde prinse-paar opgehaold en nao hunne hoftempel gebrach. Boe daan um 14.11 oor de demasqué zal plaots vinde door Prins Petro I vaan de Braniemeekers en gaans Lummel zal wete welk paar de jäög zal veurgoon in de vastelaovend vaan 2009. Veur de gepasde sfeer en gezèllegheid steit DJ Ron Rossel gerant. De zaol geit 13.30 oor ope en de antree is gratis!
Saoves pakke de Braniemeekers de draod op mèt ’t inmiddels bekinde Thema-bal. Dat dit jaor trök in d’n tied en in ’t teike steit vaan Pyama’s. Dus ouch al zeet geer meug, trèk eure pyama aon en komt nao ’t Lochtmanhoes! Daan kinne veer same mèt de Lummelse en de Haarse vastelaovesvereiniginge ‘nne gewèldige fiesaovend make. Ouch beij dit bal geit DJ Ron Rossel de boel achtermerein zette in ‘nne gewèldige sfeer. De zaol geit um 19.30 oor ope en ouch noe is de antree gratis.
